Home پاکستان آن لائن ٹیکسی کی جعلی آئی ڈی بنا کر خواتین کو لوٹنے والے 4 ملزم گرفتار

آن لائن ٹیکسی کی جعلی آئی ڈی بنا کر خواتین کو لوٹنے والے 4 ملزم گرفتار

ملزمان ڈرائیونگ لائسنس اور شناختی کارڈ، گاڑی نمبر، کیپٹن کی تصویر اور فون نمبر سمیت سب کچھ ہی تبدیل کرتے تھے۔ فوٹو:فائل

ملزمان ڈرائیونگ لائسنس اور شناختی کارڈ، گاڑی نمبر، کیپٹن کی تصویر اور فون نمبر سمیت سب کچھ ہی تبدیل کرتے تھے۔ فوٹو:فائل

کراچی: عزیز بھٹی پولیس نے آن لائن ٹیکسی کی جعلی آئی ڈی بنا کر خواتین کو ہراساں اور ان سے لوٹ مار کرنے والے انتہائی منظم گروہ کے 4 کارندوں کو گرفتار کر کے موبائل فون اور اسلحہ برآمد کرلیا۔

ایس ایس پی ایسٹ غلام اظفر مہیسر نے بتایا کہ 3 جون کو لاہور سے کراچی آنے والی لڑکی کو آن لائن ٹیکسی کے ڈرائیور نے لوٹا تھا اور فرار ہو گیا جس کی درخواست عزیز بھٹی پولیس نے وصول کرتے ہوئے انتہائی مہارت سے اینٹی اسٹریٹ کرائم یونٹ کے ہمراہ کارروائی میں ایک ملزم اعجاز کو گرفتار کر کے موبائل فون اور اسلحہ برآمد کرلیا۔

انھوں نے بتایا کہ پولیس نے آن لائن ٹیکسی کے کیپٹن اعجاز کو دیگر 3 ساتھیوں ساجد ، فواد اور عمر سمیت گرفتار کیا ہے جبکہ ملزم اعجاز آن لائن ٹیکسی میں سفر کرنے والے شہریوں خصوصاً خواتین کو لوٹنے میں ملوث ہے ، ملزمان کے گروہ میں آن لائن ٹیکسی فرنچائز کا مالک عمر بھی ملوث ہے۔

ایس ایس پی ایسٹ نے بتایا کہ ملزمان کی گرفتاری کے بعد انکشاف ہوا کہ ان کا گروہ جعلی آن لائن ٹیکسی کی آئی ڈیز بنا کر معصوم شہری کا ڈیٹا کیپٹن کے ڈیٹا انٹری میں فیڈ کرتے تھے جبکہ ملزمان کا گروہ نیشنل ڈیٹا بیس میں بھی ردو بدل کرنے میں ملوث ہیں۔

انہوں نے کہا کہ ملزمان انتہائی چالاکی کے ساتھ ڈرائیونگ لائسنس برانچ کی ویب سائٹ سے ڈرائیونگ لائسنس کو فوٹو شاپ کے ذریعے اسکین کر کے نادرا شناختی کارڈز میں ردو بدل کے علاوہ گاڑی نمبر، کیپٹن کی تصویر اور فون نمبر سمیت سب کچھ تبدیل کر دیتے تھے جس کے باعث شہری جعلی آن لائن ٹیکسی کے کیپٹن کی گاڑی میں سوار ہو جاتے تھے۔

گرفتار ملزم اعجاز کا تعلق جرائم پیشہ گھرانے سے ہے ، ملزم کے بھائی اور والد بھی ڈاکو اور ٹارگٹ کلر ہیں جو کہ اورنگی ٹاون میں کئی تھانوں کو مطلوب ہیں جبکہ ملزم اعجاز کا ایک بھائی مارا جا چکا ہے ، پولیس نے مذکورہ خاتون کی مدعیت میں مقدمہ درج کرلیا جبکہ خاتون نے پولیس کی فوری کارروائی اور ملزمان کی گرفتاری پر ایس ایچ او عزیز بھٹی عدیل افضال اور اینٹی اسٹریٹ کرائم فورس کے انچارج عمران گجر کی کاوشوں کو سراہاہے۔

نارووال میں وین اور کوچ میں خوفناک تصادم سے 5 افراد جاں بحق، 18 زخمی

ورلڈ کپ میں آج پاکستان بھارت سے ٹکرائے گا، شاہین جیت کیلئے پرعزم

تحریک انصاف کے اہم رہنما اورڈپٹی اسپیکر قومی اسمبلی کے بیٹے کی سر کاری گاڑی پر بیٹھ کر کلاشنکوف کے ہمراہ تصویر وائر ل،پارٹی ترجمان نے غلطی تسلیم کرلی، حیرت انگیز اعلان

امریکی فوج نے اسامہ بن لادن کو کیوں قتل کیا؟باقاعدہ تدفین کے بجائے لاش سمندر برد کیوں کی گئی؟،سعودی عرب کے سابق انٹیلی جنس سربراہ شہزادہ ترکی الفیصل نے سب بتادیا،سنسنی خیز انکشافات

بھارت میں قیامت خیز گرمی کا ذمہ داربھی پاکستان کو قرار دے دیاگیا، پاکستان کس طرح ”گرمی بھارت بھیج رہاہے؟“ بھارتی میڈیا کے مضحکہ خیز دعوے

ڈیڑھ برس سے ناقابل استعمال قرار دے کر گراؤنڈ کئے گئے بوئنگ777طیارہ دوبارہ آپریشن میں شامل،متعدد نئی پروازیں شروع کرنے کافیصلہ،پی آئی اے نے بڑی خوشخبری سنادی